Happy Birthday Photoshop

Egls cotschens. Quai è in fenomen enconuschent sin fotografias. Ozendi è quai nagin problem pli. Programs d’elavurar fotos curregian tut quai senza ch’ins vesa insatge. Quest onn festivescha Photoshop, in dals pli enconuschents programs per l’elavuraziun da fotografias, ses anniversari da 20 onns.

Fotografias vegnivan gia retuschadas e curregidas dal temp nua ch’i na deva anc nagins cameras da fotografar digitalas e computers che pudevan far las correcturs. Quai era bler pli cumplitgà. Ozendi cun programs sco Photoshop è quai dentant bler pli simpel e prest mintgin po fabritgar cun in pau pazienza e savida or d’ina fotografia “normala” ina fotografia per in prospect u bain far or da sa sez in topmodel.

Dapi 1990 datti il program Photoshop. Guardar co che las emprimas versiuns dal Photoshop vesevan ora pon ins sin la pagina: http://www.guidebookgallery.org/apps/photoshop

Sentì questa revoluziun ha era Armin Spescha da communicaziun.ch. El ha ina fatschenta che fa tut las lavurs da communicaziun. Davent da la grafica fin la stampa.

Na prest betg pli d'enconuscher
La pagina d’internet mussa impressiunantamain co ch’ins vegn da midar ina persuna prest uschè fitg ch’ella na strusch sa meglra pli la persuna ch’è vegnida fotografada.

Visita la pagina...

Era la Televisiun Rumantscha ha demonstrà en in film dals Cuntrasts cun il titel "Giuventetgna e bellezza" con ferm ch'ins vegn da midar cun agid da la visagista ed il Photoshop la fatscha da duas persunas.