Musica e SIDA
La prevenziun da SIDA en cumbinaziun cun musica è in'idea dals onns 80. Quella giada avevan ils songs encunter SIDA preschentads dals idols, l’effect da promover il condom. In’idea veglia damai emblidada? L’agid encunter il SIDA grischun ensemen cun RTR èn qua dad in’autr’idea. Els han preschentà ier il disc Amar la vita.
Guarda la contribuziun da TVR...
Amar la vita: Hai fatg effect?
La saira era allegra - il tema però serius. Igl è ì per il tema SIDA. Musica per render attent al tema SIDA e per far prevenziun da la malsogna. Chatrina Josty è ida en tschertga dal effect dal concert...
Curt avant il concert...
Amur, sex e SIDA – quai èn ils temas da las chanzuns ch’èn sin il disc Amar la vita. Venderdi, ils 16-05-2008 preschentan ils musicists rumantschs lur chanzuns – bunas chanzuns per in bun project! Ils responsabels da Radio Rumantsch e da l’agid encunter SIDA grischun èn cuntents cun il resultat final...
Tadlar la contribuziun da Paula Nay...
Amar la vita – il concert
Il victurs da la concurrenza Amar la vita live sin tribuna: venderdi, ils 16 da matg en il Palazzo a Cuira. La saira da concerts cumenza a las 20.00 uras. Mario Pacchioli, Pobufibanox, Notschtrom, Andarojo, Simona Caminada, e The Capoonz preschentan nova musica rumantscha. Tickets datti en la prevendita u a la cassa da la saira. E tickets hai dà tar nus. Qua las persunas ch'han gudagnà els...
Amar la vita - empustar uss il disc!
Chanzuns rumantschas sur da SIDA, sur da l’amur e la vita: Da questas datti sin il disc “Amar la vita”. Andarojo, Pobufibanox, Simona Caminada, Ils Capoonz ed auters han fatg ina chanzun. Il disc vegn preschentà sonda, ils 16 da matg en il Palazzo a Cuira.
Amar la vita - il disc è qua. Contribuziun da TVR...
Ils victurs da la concurrenza Amar la vita
Las sis chanzuns che vegnan sil disc: «Deliberada» dals Notschtrom, «Buc a ti» dals Pobufibanox, «Viva» dals AndaRojo, «Daco» da Simona Caminada, «Mo per tei» da The Capoonz e «Sut la pial» da Mario Pacchioli.
Il project "Amar la vita"
«amar la vita» - uschia sa numna la concurrenza che l’Agid cunter sida dal chantun Grischun ha lantschà avant in mez onn. Tschertgadas eran chanzuns rumantschas modernas cun il tema amur, sex e sida. Or da las bleras inoltraziuns èsi stà da tscherner ils sis megliers titels. La funcziun da giuria han gì ils auditurs e las audituras dal Radio Rumantsch, tiers quai è vegnì in giudicat cumpetent tras in gremi neutral. Decisivas èn stadas las 3083 vuschs che l'auditori ha dà cun il voting sin l’internet.
