Pobufibanox cun BUC A TI!
- Pobufibanox
BUC A TI – qua vegn ina chanzun da rock da la gruppa da rock rumantscha cun il num cumplitgà. Pli simpla è la message da lur chanzun BUC A TI. Questa di: Jau na vi betg tai, ina message ad ina chaussa ch’ins na less betg, sco per exempel la malsogna SIDA.
Tadlar la preschentaziun da Pobufibanox...
Rectonerockers cun POSITIV
- Adrian Candinas - tut a sanestra
POSITIV da Rectonerockers - quai è la chanzun dad Adrian Candinas, da las Liricas Analas. Ma la chanzun n'è en sasez nagina chanzun "normala". Igl è plitost ina collascha da vuschs e texts sur da SIDA. La chanzun la pli speziala en la concurrenza!
Tadlar la preschentaziun dals Rectonerockers...
Ils Bulais cun LIV!
- Olivier Pernet
I dat anc ils Bulais. En sasenz mo pli in Bulai – Olivier Pernet – ma quest è activ. Per sia chanzun ha el survegnì sustegn dad ina vusch feminina, dad Olivia Spinatsch. Olivier Pernet ed Olivia Spinatsch – quai è il pendant rumantsch tar Serge Gainsbourg e Jane Birkin!
Tadlar la preschentaziun dals Bulais...
Mario Pacchioli cun SUT LA PIAL
- Mario Pacchioli
Il chant-autur rumantsch ch’è enconuschent sur ils cunfins da la Rumantschia ora, chanta la chanzun SUT LA PIAL. Quai è Mario Pacchioli en duas vuschs, tut auter ch'ina ballada, ma in experiment da vusch e da text; sound che va SUT LA PIAL!
Tadlar la preschentaziun da Mario Pacchioli...
Ils Stiff Woodies cun AMAR LA VETA
- Stiff Woodies
Era la band giuvna da la Surselva, ils Stiff Woodies han sa participads a la concurrenza. Il text quinta tar lur chanzuns, dian ils Stiff Woodies, per ils auditurs vul quai dir, tadlar bain!
Tadlar la preschentaziun dals Stiff Woodies...
Theo Demund cun L'EMPUDIENTSCHA
- Theo Demund
"L’empudientscha" ha num la chanzun dal chanta-autur sursilvan Theo Demund. Sia chanzun va en il profund, è melancolica ma duai tuttina dar speranza...
Tadlar la preschentaziun da Theo Demund...
Simona Caminada cun DACO?
- Simona Caminada
Ella è la suletta chantadura che sa preschenta “solo” a la concurrenza “Amar la vita”. DACO ? sa dumonda Simona Caminada è sa metta en la situaziun dad ina persuna che survegn la novitad ch’ella è HIV positiva. Ina chanzun che tematisescha il ussa ed il futur cun la malsogna...
Tadlar la preschentaziun da Simona Caminada...
Notschtrom cun DELIBERADA
- Notschtrom
Notschtrom – la gruppa da Cuira cun la chantadura rumantscha preschenta sia chanzun tar il tema SIDA. Deliberada ha la num e reflectescha ils sentiments dad ina persuna, che sa dumonda, HIV positiv u negativ?
Tadlar la preschentaziun da Notschtrom...
Arsaja cun AIDS
- Arsaja
In mix tranter Ska e Punk – quai fa la gruppa engiadinaisa Arsaja. Musica allegra per in tema difficil sco SIDA? Quai va! En lur chanzun AIDS n’han ils giuvens dad Arsaja naginas retegnientschas; els crititgeschan directamain a quels che na fan nagut encunter SIDA...
Tadlar la preschentaziun dad Arsaja...
Andarojo cun VIVA
- Andarojo
Andarojo quai è quella band che ha l’onn passà pachetà las valischs ed ils instruments per viagiar e concertar durant in temp en l'America dal Sid. Uss èn els enavos e purtà han els ina chanzun plain vita!
Tadlar la preschentaziun dad Andarojo...
The Capoonz cun MO PER TEI
- The Capoonz
Da Castrisch, da Tersnaus, da Trin e da Falera vegnan The Capoonz. Els èn ina da las gruppas las pli giuvnas che fan part a la concurrenza dad "Amar la vita". Els chantan ina chanzun d'amur cun MO PER TEI!
Tadlar la preschentaziun da The Capoonz...
Ils Lumpaz cun CHÜRA TA VITA!
- Ils Lumpaz
Era la Val Müstair participescha a la concurrenza. Els fan uschiglio musica populara, ma pel tema SIDA han els fatg ina chanzun per la giuventetgna, ina chanzun che duai sensibilisar ils giuvens.
