El è 22 onns, è creschì si a Schlarigna ed ha fat la matura a Samedan. Dapli duas onns abitescha el a Berna e fa in studi da politologia ed economia. Nus vain discurrì cun el davart ses studi, daco ch’el ha decis da far quel e tge influenza che la situaziun politica actuala ha sin sia scolaziun.

El è creschì si a S-chanf ed ha frequentà la scola en l’Academia a Samedan. Cun l’intenziun dad ir e studegiar biologia è el ì suenter la matura giu Berna. Ma mo in onn pli tard ha el interrut ses studi ed ha fatg in pass en in’autra direcziun. In studi cumbinà dad istorgia, archeologia e scienzas socialas.

Ella è 25 onns, è creschida si a Sent e Scuol ed ha fatg la matura a Ftan. Suenter avair cumenzà in studi da politologia a Berna ha ella svelt badà, che ses interess è atgnamain la giurisprudenza ed uschia ha ella curt suenter midà il rom ed è uss dapli in onn a Turitg. Nus vain inscuntrà Mirjam Truttmann en la cafetaria da la biblioteca centrala da Turitg. In lieu nua ch’ella ha gia passentà diversas uras per sa preparar per examens u sia lavur da master.

La giuvna da 25 onns è creschida si a Scuol ed ha fatg lasuenter la scola l’emprendissadi sco gidantra da medi. Suenter l’emprendissadi è ella ida a star a Turitg, per lavurar en ina clinica d’uffants. Avant duas ha ella survegnì veglia da barattar la clinica sco lieu da lavur cun l'ambulanza, cun auters pleds, da far la scolaziun sco sanitaria da salvament. Quai èn quellas persunas ch’arrivan sco emprims al lieu d'in accident. Quest emprendissadi fitg varià, cun novas sfidas, ma era ina scolaziun fitg dira e difficila è in post fitg dumandà e perquai è era l'examen d'admissiun pretensius.

El è 25 onns, creschì si a Ftan nua ch’el ha era fatg la Matura. Dapli 5 onns è el a Turitg, nua ch’el studegia fisica a l’ETH. Nus vain inscuntrà el en las hallas da l’universitad ed discurrì cun el davart ses studi grev e difficil. In ’s sto bunamain avair ina gronda passiun per la materia per insumma cumenzar e tegnair tras quest studi. E quella passiun ha Simon Grimm chattà tranter auter tras ils cudeschs d’in dals pli enconuschents fisichers dals ultims 30’onns.

Daniel Schwarz ha 29 onns è creschì si a Zernez e viva uss dapli 7 onns en vischinanza da Turitg. Nus vain inscuntrà el en in café a Turitg e vain vulì savair in zic dapli dals ultims 7 onns che Daniel ha passentà davent da sia patria. Oravant tut sco ch’ins fa il pass d’in electricist en l’Engiadina tar in tecnicist tar la firma d’apparats Miele.

Matthias Cortesi è da Zernez ed abita dapi var in mez onn a Mollis en il chantun Glaruna. Tge ch'ha manà el en il chantun Glaruna e pertge ch’el sa senta bain là quai ha il giuven da 29 onns raquintà a nus.

Creschì si a Zernez. Viva dapli 7 onns giu la Bassa ed ha da far cun camiuns. E quai sco manader tecnic en ina firma che montescha tramosas e construescha remortgas. El raquinta daco ch’el ha fat ses giarsunadi sco mecanist d’autos giu Turitg e na en Engiadina, e daco ch’el lavura anc adina en Svizra, era sch’el ha studegià inschigner d’autos.

Las trais aissas - snowboard, skateboard e surf èn sia passiun. Betg mo ir cun ellas e far trics mabain era fotografar scenas or da quests sports. Sper sia lavur en in biro d’inschigners sa lascha Marco Michael (27) da Scuol anc scolar sco architect. El raquinta el da sia vita creativa e sia relaziun tar il rumantsch.

Da mecanist d'auto tar inschigner d'aviuns da militar. Manuel Zanchetti (27), oriund d'Ardez, ha fatg or da ses hobi sia lavur. Dapi il settember lavura Manuel Zanchetti tar la Ruag ad Emmen (LU). En la Quarta lingua raquinta el davart ses mintgadi tar ina firma che sviluppescha armas per la guerra e sia relaziun tar il rumantsch.

Tamara Zanchetti (24) oriunda dad Ardez stat a Bienna. Là lavura ella per la UBS. Sper la lavur da banca ha Tamara Zanchetti fatg ina scolaziun sco visagista, ch’ella ha terminà la fin d’avrigl cun bunas notas.
Co che Tamara è arrivada en la citad bilingua da Bienna e co ch’igl è da lavurar per in patrun che vegn crititgà dapi mais da tut las varts, quai avain nus dumandà Tamara Zanchetti en noss discurs en il Caffe Spettacolo a Bienna.

Jon Fadri Janett ha 25 onns, è da Scuol e stat uss a Turitg. La famiglia Janett è ina famiglia fitg musicala, ils barbas da Jon Fadri sunan tar ils Fränzlis da Tschlin. Era Jon Fadri fa musica. Sur da musica e sur da sia lavur tar  “Ernst & Young”, ina societad da revisun, avain nus discurrì cun Jon Fadri, ina saira a la staziun da Turitg.

Jonas Baumann (19) da Lon en Val Schons fa il gimnasi da sport a Tavau. El è en il cader C da passlung. Il december 2009 ha el fatg las emprimas cursas en la cuppa mundiala da passlung, sper l’elita mundiala dal passlung. E la cuppa mundiala – quai è la gronda finamira da Jonas Baumann per ils proxims onns. L’emprim vegn però anc il campiunadi mundial dals juniors 2010 en Germania. Sur da passlung – la gronda passiun da Jonas Baumann avain nus discurrì cun el, sper la loipa a Tavau.

Jonas Fravi è creschì si en ina famiglia da purs en la Val Schons. El ha 19 onns, frequenta il gimnasi da sport a Tavau ed è en il cader B dals skiunzs svizzers. Sia fermezzas èn las disciplinas sveltas. Nus avain inscuntrà Jonas en il Tschibo a Tavau sin in bun café ed ina baterlada sur da sia passiun – ir culs skis. 

Curo Dolf è da la Val Schons, el ha 23 onns e studegia economia a la scol’auta da Son Gagl (HSG). Quai suenter ch’el ha fatg in practicum tar la UBS e suenter ch’el ha fatg il gimnasi da sport a Tavau. Curo Dolf è stà skiunz, avant ch’in accident ha franà sia carriera sportiva. Sur dad ir culs skis, sur da Daniel Albrecht e sur dal mund fascinant da las bancas avain nus discurrì cun Curo Dolf davant la mensa da la HSG a Son Gagl.

La plazza da ballape è in lieu nua cha Gabriel Derungs è savens: El gioga en la squadra dal club da ballape “Cuira 97”, ch’è en l’emprima liga.
Ma ballape n’è betg tut en la vita da Gabriel Derungs ch’ha 26 onns è ch’è oriund da Lumbrein. El lavura sco contabilist en l'ospital regiunal Surselva a Glion e studegia dasper economia a la scol’auta HTW a Cuira. Nus avain scuntrà Gabriel Derungs in di fraid, la saira, curt avant ses trenament da ballape.

Prisca Bivetti ha 26 onns, ella è creschida si ad Samedan. Suenter l’emprendissadi sco assistenta da farmazia e sco tgirunza è ella uss vid la scolaziun da spendrera. Ina da las sulettas en Svizra. Nus avain discurrì cun Prisca Bivetti en in lieu preferi dad ella, a chasa sin balcun.

Gian Derungs stat a Lumbrein en Val Lumnezia ed ha 24 onns. El ha studegià economia e maina la firma d’immobiglias “Derungs Immobilias” ch’el ha surprendì da ses bab suenter sia mort l’onn 2006. Il mund da l’economia è il mund da Gian Derungs, el s’interessa per la bursa e las bancas. Sin ses blog gianderungs.ch scriva el sur dal svilup actual da l’economia e sur da sias ideas politicas. Ma el fa era activamain politica, Gian Derungs è deputà en il parlament regiunal da la Surselva. Sur da quai e ses hobbis ballape e wrestling avain nus discurrì cun el.

Annatina Nay ha 26 onns, è creschida si a Trun e ha fatg la matura a Mustèr. Suenter emprender scolasta e dar scola a Breil per dus onns ha ella fatg in pass en in'autra direcziun ed è ida a Lucerna per far ina scola da grafica ed art. Latiers dat ella curs da rumantsch, creescha ils layouts per las Punts ed è vicepresidenta tar la GiuRu. Sur da tut quai raquint’ella sin la terrassa da chasa a Trun, nua ch’ella returna adina puspè per tancar energias.

Pirmin Spescha ha 25 onns, el è da Siat en Surselva, nua ch’el s’engascha en ses temp liber en l’uniun “Pro Siat”, en il cor maschadà e nua ch’el va gugent en muntogna. Durant l’emna è Pirmin Spescha scolast secundar en ina scola privata a Turitg Oerlikon, là avain nus scuntrà el e discurrì cun el, tranter auter sur da ses viadi ch’el fa ils proxims 3 mais cun in ami tras il Canada e l’Alasca.

Bettina Vital ha 27 onns, ella è creschida si ad Ardez ed ha fatg la matura a Ftan. Suenter la matura ha ella fatg in praticum en il “Au Premier”, il restaurant nobel a la staziun da Turitg e suenter ha ella lavurà en in’instituziun per tschorvs. La gastronomia, il social, e las linguas: Uss studegia Bettina Vital romanistica cumparativa. Linguas latinas ed il chant – quai èn duas passiuns dad ella. Nus avain scuntrà ella en il restaurant “Tibits” a Turitg.

Gianna Cadonau da Scuol ha 25 onns ed ella stat a Winterthur nua ch’ella studegia management da cultura. Quai n’è per Gianna Cadonau però betg mo teoria: En la pratica maina ella differents projects, sco projects da musica e da teater. Da ses projects, da sias ragischs e da la cultura sco lingua mundiala avain nus discurrì cun ella en il café “Coal Mine” a Winterthur.

Aita Pult ha 26 onns, ella vegn da Ftan e studegia a Turitg. Franzos e politologia èn ses roms da studi, in studi che la duai manar a Genevra e là pli tard forsa tar in’organisaziun internaziunala... Nus avain scuntrà Aita Pult en l’universitad da Turitg.