“keep telling me...” – il debut da ASHES DIVIDE
In nov album da l’emna dad ina nova band – ASHES DIVIDE è la musica dal ghitarrist da A PERFECT CIRCLE Billy Howerdel – cumponì, sunà, registrà e producì sez! Il multi instrumentalist ha rimnà dapi onns tut las ideas musicalas che restavan da ses job tar A PERFECT CIRCLE e preschenta finalmain ses sound tut agen!
“keep telling myself its allright” è in album che tuna da idols ed influenzas, lai dentant enconuscher immediat il chau musical e creativ da APC. Billy Howerdel s’emancipescha cun quest disc definitiv da sia posiziun da tecnicher e gidanter – quest musicist è in artist da tuns e melodias!
Taidla la contribuziun da Ashes Divide...
