Aloha da balcunia – Punts lascha salidar
- Punts
- Home sweet Home
A chasa èsi il pli bel. Enstagl cartulinas cun salids da las vacanzas sper la mar lascha il team da PUNTS salidar da balcunia. L’ediziun dal mais da fanadur stat tut sut l’ensaina da “Home sweet Home!”. Perquai supplitgescha PUNTS tut quels ch’han interess, d’inoltrar salids da balcunia. Saja quai en furma d’illustraziuns, fotografias, poesias, istorginas u citats.
La fantasia n'ha nagins cunfins da descriver e demussar ch’igl è il pli bel a chasa. En quai senn ora cun vus sin il balcun e laschai s’inspirar da l’atmosfera da voss dachasa.
Voss pli bels giavischs e salids èn da trametter fins ils 28 da matg 2010
ad
Annatina Dermont,
Obergrundstrasse 96,
6003 Lucerna
annatina.dermont(at)punts.ch
Tadlar chanzun "Home sweet Home" da Mötley Crüe ...
