Zic a zic ha il comité da l’open air communitgà tgi che vegn quest onn. Ussa èn tut las bands enconuschentas. Bands regiunalas sco era acts internaziunals sa mussan sin la tribuna dal pli grond open air dal Grischun. Qua vesais vus las 14 bands che vegnan...

Jan Delay & Disko No1

Tranter las bands sa mussa era il chantadur tudestg, Jan Delay en Lumnezia. El è enconuschent per sia vusch nasala e po segir motivar ils visitaders da chantar cun el.

Wu Legends

La Band da Hip-Hop da New-York porta il rap sin la tribuna. Part da la band en renumads chaus dal Wu Tang Clan.

Example Live

Els èn da la Gronda Britannia e vegnan cun ina cumbinaziun da “Dance” cun “Pop” e “Rock”.

Stress

El è gia enconuschent en la Lumnezia e turna cun ses nov album, ina maschaida da “Rock”, “Punk” e “Funk”, mo il Hip-Hop stat tuttina en il center.

Far East Movement

Il quartet american fa musica che demonstrescha lur cultura, lur moda e lur lifestyle. Quai portan ils quatter giuvens era sin la tribuna en la Lumnezia.

Anti-Flag

Cun lur liricas na fa la band Anti-Flag betg mo musica, ella politisescha era e quai live a Degen.

Hilltop Hoods

Dal pajais cun kengurus direct ad in vitget en la Lumnezia. Per bun Hip-Hop sin la tribuna dal Open Air Lumnezia procuran ils Hilltop Hoods.

Eluveitie

Otg Svizzers che cumbineschan folclora celtica cun tuns da metal. Quai po far canera!

Tokyo Ska Paradise Orchestra

Ina truppa da nov chaus cun ritmus sperts ed improvisaziuns. Gia dapi 17 onns fa la band da “ska” giapunaisa tremblar las tribunas da quest mund.

Katzenjammer

Co ch’i tuna sch’ins fa in mix da musica da zagrenders, punk rock e blues? Katzenjammer, ina band da la Norvegia mussa co.

Liricas Analas

Tge che na dastga natiralmain betg mancar tar in open air en la Surselva, las Liricas Analas. Per la quarta giada, pia bunamain schon sco giasts regulars, èn era ils Sursilvans puspè da la partida e quai cun lur nov album.

Stefanie Heinzmann

Sin lur tura tras l’entir mund fa la Vallesana era in stop en la Surselva. Uschia po ella gist preschentar ses nov album "Diggin' in the Dirt".

Bastian Baker

El ha strusch 20 onns ed ha gia gudagnà al “Swiss Music Award”. Il giuven musicist chaschuna segir per fatschas cotschnas tar ils visitaders feminins.

Nau

Anc ina band regiunala e rumantscha sa preschenta a l’open air. Nau preschenta ses nov album da rock ed é per l’emprima giada a l’Open Air Lumnezia.

  Tadlar il discurs davart il program da l'Open Air Lumnezia...