Bastian Baker, il Justin Bieber da la Svizra?
- © Copyright 2011 Bastian Baker
Bastian Baker: gia ina giada udì quest num? Na? Lura fissi meglier sche vus tegnais davent d’ussa endament quest num. Bastian Baker è il nov star da Losanna. Cun sia vegliadetgna da mo 20 onns ha el cuntanschì insatge ch’auters musicists na cuntanschan mai. Questa stad ha el dà in concert sin la tribuna dal Montreux Jazz Festival.
Il giuven songwriter, cumponist ed interpret ha il pli gugent “chanzuns ch’ins po sunar cun collegas ina saira da stad sper il fieu” ed uschia èn era sias chanzuns. Balladas da pop-folk cun refrains ch’ins sa tegnair endament e chantar cun. Chanzuns sentimentalas, chanzuns che van profund. Strusch da crair che Bastian Baker era sin buna via da vegnir profi da hockey sin glatsch. Per la musica ha el dà si quest siemi uschia ch’el po ussa sa concentrar sin ses emprim album che vegn en las butias quest atun. Cun sia emprima single “Lucky” sa preschenta Bastian Baker ussa a l’entira Svirza e cun ses album vul el lura mussar als Svizzers che sia musica n’è betg mo da curta durada.
- © Copyright 2011 Bastian Baker
Che quella carriera pudess cuzzar pli ditg che mo in di è bain pussaivel, gia ussa ha Bastian Baker blers fans, cunzunt fans feminins. Uschia n’èsi betg da smirvegliar che Baker vegn gia numnà il Justin Bieber da la Svizra. Sche quai è propi uschia sa mintgin sez decider, guardai ses video e faschai voss agen maletg sur dal nov popstar svizzer.
- © Copyright 2011 Bastian Baker
- © Copyright 2011 Bastian Baker
- © Copyright 2011 Bastian Baker
