Bligg sin visita, questa giada cun paucas e trumbettas

Che capita sch’ins piglia ils suns da paucas e trumbettas ed as maschaida quels cun las chanzuns dal rapper svizzer Bligg? I vain ora in nov album cun il num „Brass aber herzlich“. Marco Bliggensdorfer alias Bligg ha pachetà in avust da quest onn sias valischs ed è partì vers l’America. La ha el registrà ses album „Bart aber herzlich“ anc ina giada, ma questa giada ensemen cun la conuschenta “Youngblood Brass Band“. Turnà es el cun ina ediziun da platin „Brass aber herzlich“.

Cun quai mussa Bligg ch’el sa ir enturn era cun dub, two step, musica da marsch e cun suns da l’America Latina e betg mo cun hip-hop maschedà cun musica populara. Sin visita tar nus en il studio quinta Bligg perche che el na suna betg sez in instrument da brass, sco che quai è stà da lavurer in America ed en tge manera che sias chanzuns s’han midadas.