Chris Cosmo – Anti Facebook sco chanzun
Il nov video da chantautur Chris Cosmo e sia band sa drizza cunter tut las plattafurmas socialas en la rait. La chanzun cun il titel “Scheiss auf Facebook” han guardà entaifer curt temp gia passa 70’000 persunas en la rait.
Sche tuts suondan il cussegl da Chris Cosmo e serran giu il computer u telefonin per in di e van ora en il liber a far festa, quai na pon ins betg dir. Unic quai che era Cosmo sez po esser cuntent d’avair plattafurmas publicas en la rait sco Facebook u Youtube. Causa che senza quellas n’avessan ils blers anc betg vis ses nov video.
