Codecheck – S’infurmar davart il products ch’ins cumpra
Sas ti tge che ti cumpras? Datti products che cuntegnan chaussas, che savessan esser nauschas per tai? Han els massa bler grass u chemicalias latiers? U quant fair encunter la natira èn quels products vegnids producì? In app procura per scleriment, immediat e senza grond tschertgar.
Durant il cumprar en san ’ins simplamain tegnair il telefonin en man, leger en cun agid da la camera il code dal product ed immediat han ’ins tut las infurmaziuns davart la chaussa. Las chaussas ch’ins na stuess betg consumar ni ch’ins stuess dar attent vegnan mussadas en ina glista cun tut las infurmaziuns, tge e daco.
Nov mussa Codecheck era, sch’il pesch ch’ins cumpra è sur pestgà ni periclità da murir ora u sch’in product cuntegna ieli da palmas. Per fabritgar plantaschas per producir da quel ieli vegnan destruì grondas parts dal guaud selvadi. Quellas indicaziuns porscha greenpeace per l’applicaziun.
Cun la funcziun “Chattar alternativa” san ’ins sez definir che ingredienzas ch’ins na vul betg avair en ils products ch’ins cumpra e l’applicaziun propona lura alternativas per quels.
Passa 92’000 products as chatta pel mument en la banca da datas da Codeckeck. A chasa san’ins duvrar era ina camera da web per scannar il code. U simplamain dar en il numer che stad sut il code.
L’applicaziun per l’iPhone ed auters telefonins pli moderns san ’ins chargiar giu gratuit.
.
