Il Radio Rumantsch sa prepara per il maraton
Riet Planta da La Punt Chamues-ch è il viceschef en l'organisaziun dal maraton. Il moderatur dal Radio Rumantsch Claudio De Pedrini ha discurrì en l’emissiun dals 03-03-09 cun Riet Planta. Tema èn stads ils puncts delicats en connex cun l'organisaziun da quest eveniment gigantic - ed en tge direcziun ch'il maraton pudess sviluppar en l'avegnir.
Passlung e pasta
- Foto: Beat Deragisch
Trenar, tschairar ils skis e lura partir. Uschè simpel pudessi esser tar ina cursa da passlung. Ma simpel n’èsi betg, i dat in pèr detagls ch’ins ha da resguardar. Detagls culinarics. Quant, tge e cura mangiar èn las dumondas ch’han occupà era a Chatrina Josty avant la cursa da las dunnas.
Mo per emanzas?
- Foto:engadin-skimarathon.ch
Las dunnas fan la cursa – ils umens stattan a l’ur da la loipa. Uschè guardi ora a la cursa da las dunnas – la cursa da passlung ch’ha lieu in’emna avant il maraton d’Engiadina e ch’è reservada exclusivamain per dunnas. Per la 10 avla giada datti la cursa da las dunnas en Engiadina. Ella maina da Samedan a S-chanf ed ha da far dapli cun sport che cun feminissem.
Gianluca Cologna en il studio dal Radio Rumantsch
Gianluca Cologna ha 18 onns, el è gimnasiast e passlungist e vegn da Tschierv. El è il frar "pitschen" da Dario Cologna, che spera da gudagnar ina medaglia al campiunadi mundial ski nordic a Liberec en Tschechia. Gianluca declera en il discurs cun il moderatur dal Radio Rumantsch Claudio De Pedrini co el sa senta sco "il frar pitschen" da Dario, co el riva da far la matura e da far parallel sport intensiv.
Il Radio Rumantsch sa prepara per il maraton
Simone Erni da Turitg e media da sport. Ella è stada sin visita tar il Radio Rumantsch. Cun ella ha la moderatura Sandra Carisch discurrì davart il passlung e ses effects (da fitness) sin il corp. Davart quant saun e nua ch'ils cunfins/ils privels per il corp èn, plinavant era dal trenament ed il nutriment ideal, cura cumenzar cun il trenament e tge furma da passlung ch'è ideala per tgi (classic u skating)?
Discurs cun Adriano Iseppi (36) Savognin
Dapi il 2007 è Adriano Iseppi schef da la disciplina passlung tar Swiss Ski. El ha fatg ses studis da sport e biologia a l'universitad da Berna, è stà scolast al gimnasi da sport a Tavau e trenader da ski alpin en Norvegia. El è sez in fervent sportist, tranter auter è el stà il 2006 vice-campiun mundial da la disciplina telemarc, el ha fatg triatlon e biatlon ed è stà da la partida a la Patrouille des Glaciers.
Adriano Iseppi è in chatschader passiunà ed el fa gugent viadis en terras estras. Tut quai e natiralmain er il campiunadi da ski nordic a Liberec èn tema en il Profil.
Ils experts da passlung al Radio Rumantsch
Il Radio Rumantsch sa prepara sin il maraton da skis da l’Engiadina. Mintga mardi (11.00 - 12.00 uras) enfin tar il maraton vegn in giast en il studio dal Radio Rumantsch a discurrer sur da passlung. L'emprima è stada la magistra e curridra da passlung Barbla Etter da Madulain en il studio.
Ella ha declerà tut quai ch'ha da far cun il material e la tschaira, il stil (classic/skating), la tecnica, ils custs e co e cura ch'igl è ideal per emprender a far passlung.
La preparaziun per il maraton
Per blers passlungists è el ina da las grondas finamiras: Il maraton da passlung en Engiadina. Mintgamai la segunda dumengia en mars van 10’000 persunas a la partenza a Malögia per prender ils 42 kilometers sut ils skis. Era principiants da passlung san gia far en lur emprim onn la cursa, quai di Gion-Antieni Maissen da Trun. El cusseglia però ina buna preparaziun!
La Rumantschia è passlung
Anc mai ha la Rumantschia gì uschè ina buna generaziun da curridurs e curriduras da passlung. Ils nums: Cologna, Livers, Perl, Tambornino e Mischol. Ma era gia la proxima generaziun è a la partenza. In da quella generaziun ha in num prominent: Gianluca Cologna dal club da skis Val Müstair. Al campiunadi svizzer a Trun ha il giuven Cologna gudagnà duas medaglias d’argient.
Sperts Sursilvans
- Linard Tambornino
Il campiunadi svizzer da passlung a Trun ha cumenzà ils 21 da schaner – e quai gist cun in set da medaglias cumplet per ils curridurs indigens da Trun: Eligius Tambornino e Toni Livers han gudagnà argient e bronz en il sprint da l’elita. Linard Tambornino ha cumplettà il success dals indigens cun la medaglia dad aur en il sprint dals U18. Nov campiun svizzer è Noé Trüffer da Tavau.
Tge è cun il project da la LR "Vancouver 2010"?
Avant in onn ha la Lia Rumantscha LR lantschà il project "Vancouver 2010" che vul porscher bunas cundiziuns als atlets rumantschs, atlets sco Livers, Perl e Cologna. Be l'ultim temp èsi vegnì in pau pli quiet ed ins ha udì plitost pauc da quest'acziun. Il RR ha discurrì cun il schef da la disciplina da passlung da Swiss Ski, Adriano Iseppi e cun il secretari general da la LR Urs Cadruvi sur dal fatg dad esser in currider rumantsch.
Planoiras - ina cursa da passlung populara?
Sper il maraton da skis d’Engiadina datti anc autras cursas da passlung. La cursa da “Planoiras” a Lai è ina da quellas cursas popularas. Quest onn, ils 11 da schaner ha ella gì lieu per la 24avla giada. Planoiras – ina cursa cun passa 400 participants – e quai fitg sperts – pon ins numnar quai insumma anc “cursa populara”?
