Delilahs turna cun "Greetings from Gardentown"

Impertinenta, scharmanta e cun bler «drive », quai è la musica da Delilahs. La band svizra preschenta ses segund album ch’ha il titel „Greetings from Gardentown“. Cun lur tipic sound da ghitarras demussan Muriel Rhyner, Isabella Eder, Daniel Fischer e Philipp Rhyner che la veglia musica da rock dals onns 80 è anc adina actuala. Delilahs turnan cun nova energia e cun nova forza. Ma, per rivar fin a quest punct ha la band stuì far quint cun divers problems ch’han influenzà lur success. La chantadura da Delilahs, Muriel Rhyner ans ha raquintà dapli sur da la turbulenta istorgia da sia band.