Doves cun “Kingdom of Rust” – l’album da l’emna

Sch’ina band na lascha betg udir insatge sur divers onns cumenzan ils fans da vegnir plaunet gnervus. Però buna musica dovra ses temp. Uschia èsi era stà tar il nov album da Doves. Lur quart album “Kingdom of Rust” è musica dal nov millenni. Ed il facto, ch’ins ha stuì spetgar sur 4 onns sin quest nov album lascha vegnir lur return anc in toc pli dultsch.