Drive – in um senza num
A Cannes aveva il film “Drive” survegni il premi per la meglra reschia. Il reschissur è il Danais Niclas Refn. Tgi che spetga in film cun bler “action”, persecuziuns d’autos, dunnas cun pauc resti ed ils pli novs autos sin la fiera sbaglia. “Drive” ha da far tant sco nagut cun tut quai. Mo tuttina ha il films sias spezialitads.
Tadlar la critica da "Drive"...
Per quai vai:
Il “driver” è mecanist, “Stuntman” e chauffeur per rubadurs. Entras ses vischin as mida si‘entira vita.
Quai va bain:
Bels maletgs, da spezialas colurs e filmads ord spezialas vistas. E la musica suttastritga las singulas scenas.
Quai na va betg bain:
Lungas scenas senza dialogs che prendan nagina fin. L’entir film perda uschè dinamica.
La frasa dal film:
Irine: “Was machen Sie so?”
Driver: “Ich bin Fahrer.”
Il u LA acturA dal film:
Ryan Gosling gioga il “driver”. Ina persuna senza emoziuns, misteriusa, ch’ins na enconuscha ed emprend er betg d’enconuscher meglier durant il film. Il caracter dal film n’è pauc simpatic e sveglia naginas emoziuns. Ryan Gosling gioga quai fitg autentic, i va fitg bain a prà cun ses tip.
