"Duell der Magier" - Reuniun dad action stars
Suenter sias aventuras sco archeolog en ils dus films “National Treasure” lavura Nicolas Cage in’ulteriura giada ensemen cun reschissur John Turteltaub e produzent Jerry Bruckheimer. Ma questa giada n’è betg il tschertgar stgazis il tema. Sco ch’il titel dal film “Duell der Magier” tradescha gia èn buns e nauschs magis il tema principal. E Cage è in da quels, e quai il grond e pussant magi Balthazar Blake. Ma vegn el maister cun ses inimis e riva'l era da striunar il public?
Taidla la critica da Curdin Fliri...
Per quai vai:
Buns magis, nauschs magis ed in emprendist porschan cumbats spectaculars tras la citad da New York.
Quai va bain:
Tartagnament per tut la famiglia cun diversas scenas legras e spectaculars trics magics.
Quai na va betg bain:
La fin cuntegna massa bler kitsch.
La frasa dal film:
Balthazar invers Dave: Jau hai tschertgà tai sin tut il mund. Ti vegns ad esser in fitg impurtant magi, ina forza per la buntad. Ma pel mument es ti mes emprendist.
Il u LA acturA dal film:
Toby Kebbell sco nausch magi Drake Stone: Oravant tut da rir che da temair.
