Ina part dal mund dals emprendists è la scola professiunala. Per exempel la scola mercantila Surselva. Nus vain visità Iso Tuor, il rectur da la scola, e vulì savair co els accumpognan ils giuvens emprendists durant la scolaziun.

Ursin Maissen da Trun enconuscha il mund dals emprendists – ins pudess dir – dublamain. El fa numnadamain ses segund emprendissadi. Suenter ch’el ha gì fatg il mastergn da lainari ed era lavurà intgins onns sin quai mastergn ha el decis da midar. Oz lavura el en l’ospital e fa la scolaziun da tgirunz. Ina midada totala. Esther Berther ha fatg ina visita ad el en l’ospital.

Jolanda Stgier da Parsonz è in champ! Ella è campiunessa svizra en ses mastergn: conditra – confiseura. Quest’onn po ella, grazia a ses success en Svizra, sa participar al champiunadi mundial dals mastergns en Canada. Quai vul dir, uss sto ella exercitar e metter en ballantscha zutger e tschigulatta che la turta al champiunadi gartegia lura.

Passa 1100 giuvens e giuvnas han cumenzà las davosas emnas lur emprendissadi el Grischun - e quai en las pli differentas branschas. Dus da quels passa milli emprendists dal Grischun han cumenzà il mastergn da tschentapignas. Flavian Bearth da Cumpadials è in dad els. El ha elegì in mastergn cun ina fitg veglia tradiziun che ha dentant ils ultims onns fatg in svilup enorm. Esther Berther è stada a guardar co el lavura vid las pignas-scalegl.

Avant che sa decider tge emprendissadi far, visitan ils blers in cussegliader da professiun. L’emprima giada s’entaupan els il segund davos onn da scola. Quai è la regla. La pli gronda part dat els chatta in emprendissadi ubain fa vinavant ina scolaziun. Ester Berther ha discurrì cun Justina Simeon Cathomas, cussegliadra da professiun a Glion .