I dat glieud che taidla musica senza realisar tgi che chanta u suna atgnamain. Lura datti da quels che laschan plaschair la musica, che cumpran forsa in u  l’auter album e van forsa schizunt a guardar ina giada in concert da quella band. E lura datti anc ils fans. Fans ch’èn bunamain dependents da lur idols,  fans che han a chasa las paraids plain posters, che possedan mintga portatun e che fan viadis fitg lungs per pudair visitar uschè blers concerts sco pussaivel. Ina da quellas che po propi sa numnar in fan tras e tras è Romina Dietrich.