Far passlung – quai è in dals temas durant l’enviern sin battaporta.ch. Nus preschentain il sport e dain tips e tricks per quels che vulan cumenzar a far passlung e per quels che vulan vegnir anc pli sperts.
Fotogalaria dal maraton da l'Engiadina 2009
Tut sur dal maraton da l'Engiadina sin rtr.ch...
Fotogalaria da la cursa da las dunnas
- swissimage.ch
Passlung – ils temas
Cursas e curridurs:
Planoiras, il Maraton, la cursa da las dunnas: Co sa prepar’ins per far ina cursa da passlung? Tgi fa cursas e tgi tutga tar il megliers curridurs? Istorgias davart cursas e curridurs datti en la rubrica “cursas e curridurs”.
Emprender a far passlung:
Co emprend’ins a far passlung? Sin tge èsi da guardar sch’ins stat l’emprima giada sin ils skis? E tge capita cun il corp sch’ins fa regularmain passlung? Dals emprims pass enfin tar ils musculs che creschan: Quellas istorgias datti en la rubrica “emprender a far passlung.”
Material:
Skis, chalzers, bastuns e basta? Tge material dovr’ins per far passlung? Co prepar’ins il meglier quel material e tge vala sin la loipa? Istorgias sur dal equipament ch’ins dovra sco passlungista e passlungist chattais vus en la rubrica “material”.
Fas era ti passlung? Tias experientschas e tes tips
- Barbla Etter
Tge èsi per tai: Simplamain in sport da cundiziun? Ina passiun? U ina moda da ta recrear or en il liber? U es ti insatgi che ha pli grondas ambiziuns cun il passlung, insatgi che fa ina cursa suenter l’autra? Èn tias finamiras da daventar anc meglier ed anc pli spert sin las lattas finas?
Tuttina sche principianta u principiant, mez crack u hobbi-passlungists: Tes tips e tias experientschas èn dumandadas!
