Fas era ti passlung? Tias experientschas e tes tips
- Barbla Etter
Tge èsi per tai: Simplamain in sport da cundiziun? Ina passiun? U ina moda da ta recrear or en il liber? U es ti insatgi che ha pli grondas ambiziuns cun il passlung, insatgi che fa ina cursa suenter l’autra? Èn tias finamiras da daventar anc meglier ed anc pli spert sin las lattas finas?
Tuttina sche principianta u principiant, mez crack u hobbi-passlungists: Tes tips e tias experientschas èn dumandadas!
Practicar in sport ora ella natira ei il pli bi che saiel giavischar, e cheutras ei il passliung optimals.
Era sche sun buca in currider da professiun haiel entginas ambiziuns. Al maraton Sursilvan emprovel da dumignar miu meglier temps persunal, al maraton da l'Engiadina ei la finamira da classar els emprem melli. In di lessel era dumignar la qualificaziun per il bloc d'elita A. Igl ei grev da metter in temps sco finamira, demai che l'aura ed il material giogan adina ina impurtonta rolla. Per dumignar quellas finamiras ein ils trenaments naturalmein impurtonts, ed ei drova era trenaments fetg varionts, seigi quei el tempo sco era ella distanza.
Jeu sperel naturalmein era da motivar in ni l'auter d'entscheiver a far cuorsa liunga. Pertgei en nossa regiun dat ei buca enzatgei pli bi che guder il passliung tras uauls, caglias e flums.