Il final da "La Vusch" - Gino Carigiet gudogna

Venderdi passà èsi stà uschè lunsch, il final da La Vusch. Schon bain baud è la piazza a la HIGA stada plaina, tuts che spetgavan vess ch’i cumenzia.

Da las 20.45 lura, ha Leander Albin avert il final cun ina chanzun ch’el ha cumponì sez, sustegnì da ses frar Donat Albin. Suenter il rock dals frars da Tersnaus èsi vegni in zichel pli ruassaivel sin tribuna. Flurina Bundi ha chantà la chanzun Unwritten da Natascha Bedingfield. Era quella giada ha ella survegnì il sustegn da sias soras Seraina e Bettina. Cun Summer of 69 da Brian Adams è Gino Carigiet sa preschentà. Ils cloms dals fans feminins durant sia contribuziun han schon laschà supponer ordavant ch’el è in dals favurits. La finiziun ha lura fatg Daniela Montalta, che ha chantà ina chanzun da soul cun la chanzun Broken Hearted Girl da Beyonce.