Ils blers enconuschan immediat il tipic stil che ha fatg vegnir enconuschent a Giger. Purtrets e sculpturas abstractas, extraterrestras, fascinantas. El ha era revoluziunà il stil da “airbrush” e mussà tge che è tut pussibel cun quel indriz tecnic. I pli tard suenter il film “Aliens”, nua ch’el ha sviluppà las creatiras e culissas, enconuscha tut il mund al artist da Cuira. Numerus premis, tranter auter era in Oscar per sia lavur tar Aliens, ha Giger survegnì durant ils onns. Era sch'el fa ussa 70 onns, sia fantasia è anc adina uschè frestga sco anc mai.