Nua è la party? In app sa dir quai
Chaussas che fatschentan la giuventetgna mintga fin d’emna cun ir en sortida èn. Nua marschi? Nua gira buna musica? E nua na ston ’ins betg spetgar massa lung davant in club fin ch’ins sa entrar? In app sa gidar. Heatmapz è in’applicaziun che mussa cun agid d’ina carta, nua che gira la party gist en il mument.
L’app gratuita è per tut quels che van gugent en sortida e vulan savair spert nua ch’igl ha glieud e tge clubs che renda visitar. Il spezial vi da quest app è, ch’el mussa il status mumentan da mintga club. Sin ina carta dal lieu ch’ins è gist san ’ins mirar survesaivel mintga club ni bar da la regiun. Colurs tradeschan quant frequentà ch’il lieu è gist en il mument.
Sch’ins clicca lura sin in lieu survegn ’ins infurmaziuns detagliadas. Datti ina colonna da spetga davant il club? è la musica buna? Generà vegnan quellas infurmaziuns da visitaders ch’èn gia là. Quai ch’in sa era mirar è, sche collegas da facebook èn là.
Cun quai che l’applicaziun viva da l’actualitad vegnan mintga di precis a las 13.00 stizzadas tut las valitaziuns e tut cumenza da nov. Fin uss èn gia passa 20’000 localitads sin l’entir mund registradas. Novs lieus sa il utilisader agiuntar sez e la purschida crescha cun quai mintga di.
Creà ha l’app la giuvna firma da Turitg Xeebel.
