Cro – Magnon è in gieu da party! Ils giugaders giogan umans en il temp da crap. Els fan pantomima e discurran en la lingua dals umans da crap ed ils auters han dad engiavinar per tge ch’i va. In gieu che sumeglia al gieu "Tabu" e che procura segir per risadas!

Per 2 enfin 12 persunas a partir dad 8 onns.

Vesa ora sco “Tgi che va plaun va saun” ma quest gieu vegn giugà en il team da duas persunas e vinavant vegn ’ins cun las cartas, ch’ins tegna en maun. Ins po midar ora cartas cun ses collega da team ed impedir cun las cartas ch’ils adversaris vegnan a l’arrivada! "DOG – Den letzten beissen die Hunde" è simplamain “Eile mit Weile” cun bler dapli action!

Per 2 enfin 6 persunas a partir dad 8 onns.

Tgi che metta giu clever ses tocs dal gieu è on top! En quest gieu vai per metter giu ils tocs ch’ins survegn en in rintg. Adina sch’in rintg è cumplet mett’ins lasura ils craps da gieu dal prim e dal segund, quel che ha ils pli blers agens craps sin in mantun gudogna. Tge che tuna cumplitgà è en sasez fitg simpel ed anc pli divertent, sch’ins emprova dad impedir ch’ils auters fan puncts.

Per 2 enfin 4 persunas a partir dad 8 onns.