La cineasta Menga Huonder-Jenny ha accumpagnà durant in onn 7 giuvens e giuvnas a la tschertga per ina plazza d'emprendissadi. Naschì è in film giuven e frestg cun maletgs commovids. Malgrà sia levezza reusseschi al film da mussar ils embrugls che tschiffan ed occupan ils giuvens e giuvnas sin la sava en il mund dals creschids. Il film mussa co ch’ils giuvens e las giuvnas vegnan confruntads cun trumpadas e cupitgadas, co ch'els emprendan da surpigliar responsabladad e d’adina puspè s'orientar danovamain.