Ina saira “schrega” rumantscha a Turitg

Co sa senta ina grischuna en ina citad gronda? Tge fa ella là? Forsa tschertgar l’um da la vita? La grischuna che tschertga è l’actura sursilvana Marietta Jemmi. Tgi sa sche quest um pudess esser il scriptur Arno Camenisch? U forsa il chantadur Pascal Gamboni? Els dus prefereschan però d’accumpagnar Marietta sin la tschertga da l’um ideal. E quai cun chanzuns e prelecziuns. Venderdi, ils 28 d’october 2011 tschertga Marietta Jemmi ensemen cun Arno Camenisch e Pascal Gamboni l’um da la vita a Turitg en il “Miller’s Studio”. Il toc cun il titel „Im Schräghang – ina sera grischuna“, gioga Marietta Jemmi ina dunna grischuna, Arno Camenisch sustegna ella cun prelecziuns e Pascal Gamboni è responsabel per ils tuns e la musica.

: Arno Camenisch

: Marietta Jemmi

: Pascal Gamboni

Ina saira “schrega” e legra al festival da litteratura che cuzza dals 27 fin ils 30 d’october. In eveniment per tut ils amis da cumedia, dal Grischun e dal rumantsch. Ils trais artists sa preschentan per part sulets e per part sa preschentan els ensemen sin ina maniera creativa e speziala.