Ina visita a la HSG

A la Via Dufour 50, a Son Gagl, là sesan ils schefs da damaun. La Via Dufuor 50 – quai è l'adressa da la scoul'auta da Son Gagl. Ils students da quella scol'auta sa vestgeschan meglier che ils professers ed els sa deportan era sco ch'i fissan gia sisum la stgala da carriera. Nagin’autra universitad sparta las opiniuns uschè ferm sco la Scol'auta per scienzas economicas, giuridicas e socialas Son Gagl, la HSG. Qua han studegià per exempel Joseph Ackermann, Peter Wuffli, il princi Hans Adam II dal principadi dal Liechtenstein e Roger de Weck. La HSG è en ils egls dals ins, ina da las meglras universitads ch’i dat, ed en ils egls dals auters vegnan educads là ils “Abzockers” da damaun. Ins auda bler da la HSG. Ur’e temp dad ir a guardar ina giada, tge ch’ins vesa. Chatrina Josty ha fatg ina visita a la scol’auta da Son Gagl ed ha scuntrà là in giuven student da la Val Schons.