Intervista cun in vampir

"Danunder vegns ti? Pertge fascineschas ti a nus umans?" Quai èn las dumondas che nus fain ad in vampir. Il vampir, product da fantasia u ina figura cun rischs en la realitad? Nus giain suenter a l'istorgia dals vampirs ed al trend actual da vampirs. Pertge èn vampirs figuras che cumparan adina puspè en film e litteratura sco uss en "Twilight" ch'è in bestseller mundial? Chatrina Josty discurra cun in vampir, cun l'autur dal cudesch "Bestseller mit Biss" Nicola Bardola e cun il fan da vampirs Viola Pfeiffer, che ha 18 ans.