Ils interess èn restads sumegliants

Bler è auter cumpareglià cun avant 25 onns. Tut è daventà pli spert, tecnicamain pli simpel e bler da quai ch’i deva lura, gnanc datti ussa pli ed il cuntrari. Dentant era oz s’occupa la giuventetgna da sumegliants temas, per betg dir dals medems. Isabella Wieland ha moderà il Battaporta davent da l’onn 1996 enfin 2002. Da quels onns ha ella era manà la redacziun durant trais onns. Ella ans raquinta co quai veseva ora cun ils cuntegns durant ses temp tar Battaporta.