J. Edgar - il fundatur dal "FBI"
In film biografic sur dal fundatur da l'organisaziun da segirtad, igl FBI. Il film raquinta l’istorgia ord la vista dal protagonist, davent da la giuventetgna fin sia mort. Il reschissur ha empruvà da mussar cun il film il caracter da l’um che vegniva crititgà per sias metodas da segirtad.
Redacziun: Manuela Morgenthaler
Tadlar la critica dal film "J. Edgar"...
Per quai vai:
Il film tracta la vita da J. Edgar Hoover, il fundatur dal FBI. L’istorgia vegn raquintada ord la vista dad el. Surtut sias relaziun èn en il center.
Quai va bain:
Buns acturs, bels maletgs ed ina bun’istorgia.
Quai na va betg bain:
Il collavuratur da J. Edgar Hoover vegn giugà d’Armie Hammer. Surtut la part sco um vegl gioga el fitg mal. El sa mova e gesticulescha fitg steri. L’entir caracter perda uschia vardaivladad.
La frasa dal film:
Mamma da J. Edgar Hoover: “Edgar, du wirst eines Tages der mächtigste Mann des Landes sein.”
Il u LA acturA dal film:
J. Edgar Hoover vegn giugà da Leonardo DiCaprio. Sco um vegl e sco giuven idealist è el fitg vardaivel ed na i faschess betg surstar sch’el vegniss nominà per in Oscar.
