Joaquin Phoenix – In actur infernal u simplamain ord clocca?
Nus ans regurdain anc fitg bain. Avant bundant in onn ha l’actur Joaquin Phoenix, da quel temp in dals acturs ils pli renumads da hollywood, dà in’intervista ed annunzià ch’el na veglia far nagins films pli. El vul daventar in star da hip hop. Blers schurnalists n’han betg vulì prender serius quai ch’el ha ditg.
- Avant sia midada...
- ..ni sco Johnny Cash.
Uss, suenter in onn cumpara in film documentar che ha num “I’m Still Here”. Vi da la tenuta da Phoenix n’ha midà nagut dapli lura. Auter ch’el ha laschà crescher ina barba ed è vegnì adina puspè en conflict cun las medias che na san betg nua classar ses cumportament. Tschertins crajan ch’el saja vegnì ord clocca, auters crajan ch’el saja restà pitgà sin in trip da drogas. Ed i dat anc quels che speran che quai saja mo in'inscenaziun infernala d’in actur genial. Forsa ch’il film da Casey Afleck scuvra dapli sur dal misteri da Joaquin Phoenix.
