John Frusciante cun “The Empyrean” – l’album da l’emna

John Frusciante era in lung temp in grond fan dals “Red Hot Chili Peppers”. Cun 18 onns ha’l midà da fan tar ghitarrist dals Chili Peppers. Dapi là è la band vegnida enconuschenta sin tut il mund. 4 onns pli tard ha Frusciante bandunà la band. Il squitsch era massa grond, las drogas massa preschentas. Durant quest temp ha el cumenzà a far musica sulet e viver ina vita eremita sco dependent da heroin.

6 onns ha el duvrà per midar sia vita. El è vegnì liber da las drogas, ha puspè cumenzà a sunar cun ils Chili Peppers ed ha gidà els da puspè daventar gronds stars. Il rest è mo positiv. Ina carriera infernala cun la band, è latiers 9 albums da solo. Uss è qua ses 10avel portatun: “The Emyprean”. E cun mintga disc ha John Frusciante fatg in progress. Da bun tar meglier sin l’album da l’emna.