„Bed Peace“ – in film documentar da Yoko Ono e ses “Bed-In” cun John Lennon
"Dear Friends,
In 1969, John and I were so naïve to think that doing the Bed-In
would help change the world.
Well, it might have. But at the time, we didn't know.
It was good that we filmed it, though.
The film is powerful now.
What we said then could have been said now.
In fact, there are things that we said then in the film,
which may give some
encouragement and inspiration to the activists of today.
Good luck to us all.
Let's remember WAR IS OVER if we want it.
It's up to us, and nobody else.
John would have wanted to say that.
Love, yoko
Yoko Ono Lennon
London, UK
August 2011"
Cun questa brev s’annunzia Yoko Ono tar ils fans da John Lennon ed tar ils activists da pasch. L’onn 1969, curt suenter las nozzas han las turturellas cumbinà glina da mel cun protest politic cun far la chauma classica da seser (Sit-In) tar ina chauma da letg (Bed-In) – star enta letg per la pasch mundiala.
L’emprima acziun ad Amsterdam n’aveva anc betg purtà l’attenziun giavischada; pir il segiurn a Montreal ha gì dapli success. Suenter esser s’alloschà en il Hotel Fairmont The Queen Elizabeth, ha ina rotscha da schurnalists circumdà il pèr per quasi in emna (dals 26 da matg enfin ils 2 da zercladur) en lur letg. Blers prominents han visità il pèr, e la chanzun “Give Peace A Chance” è sa sviluppada.
Tut quai ch’è passà en questa suita d’hotel vegn documentà en il film “Bed Peace” ch’è vegnì publitgà venderdi passà da Yoko Ono sin YouTube ed Imaginepeace.com.
Tenor Yoko Ono èn las expressiuns da quest temp anc adina actualas ed duajan encuraschar e inspirar ils activists d’ozendi. Suenter che Yoko Ono aveva emprim ditg ch’ella allontanescha puspè il film da 70minutas suenter dus dis, ha ella ussa decidì ch’ins po anc guardar gratuit il film enfin ils 21 d’avust damai che l’interess è uschè gronds.
„Bed Peace“
