Joiz - La cumbinaziun da televisiun ed internet
- Il team da moderaturs
Dapi ier è il nov chanal da televisiun JOIZ “OnAir”. Sin la rait u en la televisiun san ’ins mirar il nov chanal per giuvens sut 30. Ina idea che duess revoluziunar, il start n’è dentant betg grategià.
La giuventetgna na guarda betg pli televisiun. Ella è sin Facebook, guarda youtube, scriva blogs e surfa tras la rait. Per cuntanscher els danovamain han in per chaus creativs creà in nov chanal da televisiun cun il num joiz. Ina maschaida tranter “Joy” e “Choice”. Plaschair e schelta. Els crajan d’avair chattà ina resposta cun cumbinar televisiun ed internet.
Tut las spartas da musica, film e lifestyle sun preschentas cun divers formats. Uschè pon’ins mirar in show da cuschinar, nua ch’ina frecha giuvna cuschina cun il cuntegn d’ina frastgera tar ina WG, ni in topmodel che guarda en stgaffa da persunas estras e da tips da moda. Era frar e sor che emprovan da daventar stars da musica ad L.A vegn deditgà ina show. Tranteren datti novas dal mund da musica, intervistas cun bands ed acturs ni “Klatsch e Tratsch” or dil mund dals prominents.
Il tric da quest nov format è, che las raits socialas èn integradas. Uschè san ils “Users” prender si sez via Webcam ni skype ina dumonda ni scriver vi da la paraid da facebook che vegn lura projectada en il decor da studio da l’emissiun. Era colliaziuns live via webcam duessan esser pussaivel tar tscherts temas.
L’emprim di dil nov chanal da televisiun n ’èra però betg bler da “Joy”. Insaquants incaps tecnics, moderaturs senz’experientscha e “alüras” sur exageradas, colliaziuns cun uschè ditg utilisaders via webcam ch’eran atgnamain ils praticants ed anc bler auter. Ma quai che n’è anc, sa anc vegnir. Nus essans spanegiads.
