Kings of Leon ston interrumper in concert pervi da columbas
Quai n’hai anc mai dà fin ussa. Columbas che spuentan ina band da rock giu da tribuna. Ils Kings of Leon ston interrumper il concert suenter trais chanzuns e fugir da la tribuna libra a St. Louis. E quai causa che las columbas han chajà repetitivamain giu da la puntanada dal palc sin ils musicists.
Oravant tut il bassist da la band, Jared Followill e vegnì tutgà diversas giadas. Suenter ch’el è vegnì tutgà sin la massella ed ina part è sa platgada schizunt en sia bucca, n’han els betg pli tegnì ora.
Suenter quella saira è la band sa perstgisada tar ses fans sur Twitter: “I ans displascha fitg St. Louis. Nus avain stuì fugir. Cac da columbas...en la bucca da Jared. Da cuntinuar era in privel per la sanadad."
Sguard enavos:
