Be 1 onn suenter che l’ultim album “Because of the Times” dals Kings of Leon è cumparì vegn quest’emna il quart portatun dals trais frars ed in cusrin da Tennessee en butia. Caleb Followill, il chantadur da la band, declera che quest tempo da productivitad è per part era la culpa da ses frar Jared. “Tenor mes frar va sut il mund dal 2012. I ha da far insaco cun in chalender dals Mayas, che finescha da quel temp. Insaco è mes frar in uffant paranoid.” Cun uschè in tempo da productivitad na resta betg bler temp per pausas. Quellas pon els alura far cur ch’els èn morts, manegia Caleb vinavant. La pli nova ovra “Only by the Night” persvada per gronda part. Senza dubi in album da l’emna!!