L’emprima giada en la naiv cun Barbla Etter
“Passlung è in sport cumplex” di Barbla Etter. Ella è ina passlungista passiunada ch’ha gia fatg cursas da passlung sin tut il mund e ch’ha era lavurà sco magistra da passlung en Engiadina. Barbla Etter è noss’experta da passlung.
Barbla Etter ha 30 onns e lavura sco linguista tar la Lia Rumantscha a Cuira. Ella na fa uss betg pli tant passlung sco pli baud, en media è ella 2 giadas l’emna sin la loipa. Per battaporta.ch mussa ella sco ch’ins cumenza il meglier a far passlung.
Tadlar: Barbla Etter sa preschenta...
Ils emprims pass...
L’emprim dovr’ins natiralmain il material correspundent, nus prendain skis per far skating:
Tadlar: Sco statt'in sin ils skis?
Sco segund prov’ins da far in pèr pass cun ils skis:
Tadlar: Ils emprims pass cun ils skis...
Lura datti gia in pau teoria:
Per survegnir il sentiment per ils skis, per la naiv e per l’equiliber pon ins era auzar in ski u ir en giu e cruschar el (per ils megliers). Barbla Etter cusseglia vinavant il sigl da rauna:
Tadlar: Barbla Etter fa il sigl da rauna...
Suenter ils exercizis da basa pon ins prender ils bastuns:
Tadlar: Tge è la dretga pusiziun dals bastuns?
Sch’ins ha en maun ils bastuns lura vegn la dumonda dals pass, da la tecnica. I dat en principi duas variantas, il pass simmetric ed il pass asimmetric:
Tadlar: La teoria dals pass...
Passlung para dad esser in sport cumplitgà! Tuttina datti glieud che ha emprendì il stil da skating senza instrucziun. Quai vesa ella però era, di Barbla Etter. Sin las fotografias mussa ella, sco ch'ins n'avess betg da star sin ils skis e betg da tegnair ils bastuns.
Tadlar: Ils sbagls che dattan en egl a Barbla...
Per quels che n’enconuschan enfin uss damai nagina variaziun dals pass, per quels hai num trenar, trenar e trenar cunzunt sch’ins vul far il maraton da skis en Engiadina, en mars 2009. Barbla Etter cusseglia in trenament en pliras fasas:
Tadlar: Pliras fasas da trenament enfin tal maraton...
