Ina decada è passada e las Liricas Analas èn anc adina qua. L’ultim onn eri fitg quiet enturn la band, i gieva schizunt enturn ina fama, che las Liricas n’existian betg pli. Ma entant ch’i era davant ora tut ruassaivel, èn els stads fitg creativs davos las culissas. Creativs per crear lur terz album “Analectrica”. En l’emprima part da noss “video special” dain nus in sguard enavos sin ils ultims 10 onns Liricas Analas. Co han Spoon, Orange, Jusht, Flepp, Suivez e Gionson sa chattads? Tge eran lur finamiras da quel temp? Co han els reagì sin il success naziunal?

Las Liricas Analas fan progress cun registrar l’album. Per che tut gira senza grondas pausas, eri fitg impurtant da planisar tut ordavant. La pli gronda sfida era las midadas en il stil musical che las Liricas han fatg.

Per chattar in bun mix tranter hip hop tradiziunal e las influenzas electronicas ha la band fatg in grond process creativ, tant ils MCs sco era ils producents. Tge eran las sfidas? Tge soluziuns han els chattà?

Il temp en il studio è passà. L'album è en producziun e las Liricas Analas spetgan cun tensiun sin il product final. La nova single "Back cun Slang" pon’ ins tadlar dapi in pèr emnas online ed als radios. Quai che manca anc è in videoclip latiers, per ils emetturs da televisiun.

Uschè en las Liricas Analas idas in di entir a Turitg en ils Apollo Studios a registrar il nov clip. Battaporta era da la partida ed ha guardà davos las culissas. Part 4 da noss "Video Special" èn ils highlights da quest di en il studio.

Nus restain anc tar il video clip “Back cun slang” e mussain questa giada in “video special” anc in toc pli spezial. Pel magazin da Cuntrasts, che vegn emess sin SF1, ha Battaporta.ch fatg l’emprima contribuziun, e quai sur dal  “making of” dal videoclip da las Liricas Analas.

Finalmain era qua il di che la band ha spetgà dapi in onn. Il batten dal nov album “Analectrica”. Il disc è sin il martgà, il video clip è en rotaziun sin SF2 e VIVA, la turnea tras tut la Svizra per ils proxims mais è planisada. E cul batten vegn terminà in grond chapitel e cumenzà in nov en l’istorgia da las Liricas Analas. E natiralmain che quel batten duess esser ina festa ed in concert, ch’ins n’emblida betg pli. Il concert da las Liricas Analas en il Riders Palace a Laax. Ils highlights ussa en la part 5 da noss “Video Special”.

Nus essan tar la finiziun da noss “Video Special” sur da las Liricas Analas. En la part finala mussain nus il mument sin qual la band ha spetgà gia dapi in onn. Il mument ch’il terz album da las Liricas Analas è vegnì battegià. Finalmain han ins pudì festivar il product final. Festegià han ins però anc insatge auter durant il batten a Laax.

Trais onns dapi lur ultim album. Passa in onn dapi che las Liricas Analas han cumenzà a lavurar vi dal terz album. Uss è il disc finalmain battegià. Sonda, ils 7 da mars ha gì lieu il batten en il Riders Palace a Laax. Ina massa glieud era là per festivar ensemen cun Flepp, Orange, Jusht, Gionson, Spoon e Suivez. L’atmosfera en il Riders era propi “analectrica”. Fotografias ed il batten sez anc ina giada per tadlar e guardar qua sin battaporta.ch...

Dapli...

Il nov album “Analectrica” da las Liricas Analas è entrà quest’emna en ils charts svizzers sin il 13avel plaz. Sandra Monn ha inscuntrà a Roman Flepp ed ha discutà cun el davart il success da la band.

Per preschentar il nov album “Analectrica” han dus MCs da las Liricas Analas, Orange e Flepp, fatg ina visita en il studio. En il discurs cun Livio Foffa tradeschan els tge chanzuns dal nov album ch’els prefereschan, daco ch’els restan fidaivels al hip hop rumantsch e daco che lur terz album tuna uschè electronic.