Bilantscha Lumnezia – Pli u main tut positiv
Open Air Lumnezia 2008 è temp passà. Las tendas èn davent, ils organisaturs èn vi dal rumir il plaz, las bands èn in viadi vers chasa u tar lur proxim concert. Ura e temp da tadlar la bilantscha finala...
Lumnezia è betg davos la glina, ma er betg en il center dal mund...
Per che tut las bands, gidanters e organisaturs rivan a temp sin il plaz da Lumnezia è responsabel tranter auter er Rita Arpagaus. Ella è ina manischunza d’in pign bus da persunas durant l’Open Air Lumnezia e ha gia cutschà enturn divers nums enconuschents.
Dapli...
Pli renumnada la band, pli exotics giavischs...
Entant che ils visitaders da l’Open Air Lumnezia as cuntentan cun Pommes, Tortelinis, Pizza u Burgers èn las glistas da giavischs in toc pli exotic. Paula Nay en discurs cun Werner Casanova davart il cuntegnì d’ina carta da menu tar ils stars....
HIM - Il punct culminant la sonda saira
Ville Valo e sia band han sunà sco ultima band al festival Lumnezia cun in concert fulminant. Il emprim parevi sco che Ville Valo n'haja betg gronda veglia da sunar, ma cun mintga chanzun è'l vegnì meglier. A la fin eran tuts cuntents. Ville, la glieud, insumma tut era super.
Kaizers Orchestra - Ina show infernala or dal nord
In grond highlight da la sonda saira era natiralmain Kaizers Orchestra. Cun mascra da gas, budschins, felgas dad auto, fiers e bastuns han els dà in concert che resta amo in lung temp en memoria. Schebain ch'ins na chapeva pled, è il concert stà superischem!! Musica è in agen linguatg...
Sektion Kuchikäschtli
Sco al Open Air Frauenfeld han Sektion Kuchikäschtli era dà a Lumnezia in comeback fulminant. Sektion Kuchikäschtli ha preschentà sa sez cun ina nova band ed in pitschen orchester. Perfetg!
Clueso - Songwriter e "schwarm" da las dunnas
Thomas, u meglier dit, Clueso ha er persvadì il public a Lumnezia. Cun sia vusch super clera chapescha mintgin sias liricas e chapescha sias istorgias. Er el è plain energia e chanta sin tribuna sco in musicant veteran. Senza dubi, Clueso è melodia tudestga.
Adrian Solo - Betg dal tut sulet
Adrian Solo a Lumnezia. Ma betg solo - sulet, sa chapescha cun ina band. E la glieud ha taidlà cun plaschair. Ins ha badà ch'el ha precis tant plaschair da sunar sco cun ils Lovebugs. Plaschair da la musica, da l'atmosfera e da la glieud.
Greis - Chanzuns politicas en dus linguatgs
Hip Hop en tudestg bernais ed en franzos. Greis è perfetgamain "billingue" e mida dad ina frasa a l'auter il linguatg. Sco in rumantsch... Tgi che sa rumantsch, sa dapli... tgi che discurra 2 linguatgs, sa anc bler dapl!
Gulliver - Indie-Rock en il sang!
Gulliver è quella band che trai era anc il davos che dorma or da la tenda. Synthis, bass, keyboards, battaria e ghitarras; tut ensemen ina'armonia da suns e tuns. Gulliver Live!
Pendulum Live - Drum & Bass da Down Under
Cun grondas aspectativas ha il public spettà sin l'ultim concert da venerdi saira. E Pendulum è vegni. Bands da blers genres da musica han gia sunà al Open Air Lumnezia, ma ina tala band era ina premiera.
Züri West - A Lumnezia cun chanzuns entiras
En Svizra han Züri West in joker! Tuts enconuschan lur chanzuns. Ch'il public chanta cun Kuno è programà oravant. Per la segunda giada han sunà ils Bernais al Open Air da la glisch.
Pete Philly & Perquisite - Hip Hop per in rock festival
Nagin autra band da hip hop ha uschè bler jazz, funk, rock, e soul sco Pete Philly & Perquisite. Direct or da l'Ollanda è il duo sin in'unda da success tras l'Europa. A Lumnezia han Pete Philly & Perquisite mussà sco che dretg hip hop tuna.
I'm from Barcelona - cun ina bartga sur il public
Ils Svedais ch'èn vegnids sco rimplazzament dals Locos han mess in niveau aut!
AndaRojo - Di per di in toc meglier!
Sco emprim act ufficial ha AndaRojo tratg la glieud davant il palc. Temperaturas enfin 30 grads n'han betg tegnì enavos als fans rumantschs da saglir e sautar enfin che il suaditsch culava. AndaRojo ha persvadì er la Surselva!!!
OBK - La surpraisa al cumenzament da Lumnezia
Nagin auter che OBK, "Ostblock Kuabuaba" da Cuira eran la surpraisa dal cumenzament. Sco emprims han els inaugurà il 24avel open air Lumnezia.
