Tut è neon: Oracular spectacular da MGMT
Els han cumenzà cun in’idea: Ils dus americans Ben Goldwasser ed Andrew Van Wyngarden han experimentà enturn cun stils da musica. Lur finamira: esser nauschs, musicists miserabels. Ma il experiment è ì en in’autra direcziun. El plascha – e quai cunzunt a SonyBMG uschia che il label ha gist offert in deal per far quatter albums dal duo da MGMT.
L’emprim album è uss qua: “Oracular spectacular".
Ed “Oracular spectacular” cumenza cun “Time to pretend”:
Tadlar "Time to pretend"...
En il medem stil vai vinavant, cun chanzunettas originalas, in pau ghitarras accusticas, in pau synthie, in chant ironic. Sche quai avess ina colur, fissi probabel quella che dominescha la pagina d’internet da MGMT...
MGMT quai è retro-neon-schick. Silmain sin l’emprima part dad “Oracular spectacular”. La segunda part tuna pli somber e drogà. Musica per guardar uras a la lunga en in fieu. Forsa ch’els han era fatg quai, Goldwasser e Van Wyngarden èn hippies.
Cumenzà a far musica han els sin il campus da lur universitad a Connecticut en America. Là han els sunà avant in l’auter e fatg sessions per lur cumpogns, pitschens concerts da 15 minuts, jamsessions cun bler’electronica
MGMT – il proxim hit da stad? “Time to pretend” vegn numnà sco candidat, sch’i va per il hit da stad 2008.
Ina pussaivladad per chattar ora il potenzial:
Ir al concert da MGMT, dumengia, ils 25-05-2008 en il Mascotte a Turitg.
