Barattar in vegl telefonin per in Porsche
Steven Ortiz, in giuven da 17 onns na sto betg pli chaminar a scola. Dapli in temp va el cun in Porsche. E quel n’è betg da ses geniturs, na, Steven ha simplamain fatg in furber barat.
Duas onns e 14 barats ha Steven duvrà fin ch’el vaiva ses Porsche. Cumenzà ha tut cun in vegl telefonin ch’el vaiva survegnì dad in collega. In da quels ch’ils blers vessan bittà davent. Quel ha el lura barattà encunter in meglier telefonin. E quel encunter in iPod. E Steven ha barattà enavant. L’iPod per duas motos, quels per in MacBook Pro, lura per in vegl camiun da Toyota sur in auto per giugar a golf fin ch’el veva in Ford Bronco dal 1975. E quel auto ha el savì barattar per in Porsche.
Ma tgi fa be uschè tups barats? Steven ha ina simpla decleraziun: “Blers emprovan da vegnir liber quai ch’els na vulan betg pli. E daco na barattar quai encunter insatge ch’els san duvrar."
Il Porsche che Steven posseda vul el però gia barattar enavant. El na sa betg prestar el. Mo ina midada da ieli custa gia 150 Dollars. Ma per in Porsche san’ins segir survegnir divers autos, ni forsa era ina bartga?
