Emprims absolvents dal studi POP
Ina visiun s’ha accumplida. Suenter tschintg onns studi fineschan tschintg artists a la scol’auta d’art a Turitg sco emprims en Svizra lur studi cun il titel “Master of Arts”. Els èn ussa musicists da pop cun in diplom da master.
Cumenzà a planisar questa visiun ha la scol’auta da Turitg vers la fin da l’onn 2004. Duas onns pli tard han quatter giuvens musicists ed ina musicista savì cumenzar quel studi. Uss, tschintg onns da studi intensivs pli tard èsi uschè lunsch. Mara Miccichè, Stefan Aegerter, Dave Demuth, Dominique Destraz ed Omar Fra san serrar giu sco emprims musicist(a)s da pop da la Svizra lur studi cun in diplom da master.
- (da san.) Dominique Destraz, Dave Demuth, Mara Miccichè, Omar Fra, Stefan Aegerter
Per quels che sa dumondan uss, tge ch’ins po insumma far cun in diplom dad in tal studi, la definiziun exacta dal diplom è: “Masters of Arts ZFH en pedagogica da musica, explicitamain en pedagogica da musica instrumentala e vocala (pop)". Vul dir, ch’els san lavurar en differentas branschas da musica.
Las preschentaziuns da lur lavurs da master han lieu dals 24. fin 26 matg en il Moods Club a Turitg.
