„Minestrone“ – ina „cooli nahrig“

Ina buna quantitad da verduras, aua ed in bun cundiment; quai as dovra per preparar la tipica schuppa taliana, il minestrone. Ma, questa giada dovr’ins betg questas ingredienzas. Mabain differents stils da musica, dal funk fin tal rock, in ghitarrist, in bassist ed in battarist. Pront è „Minestrone“ , la band. E betg per nagut ha la band num uschè. Lur stil da musica è multifar sco las verduras en il minestrone. E sco pudess quai esser auter, era il nom da lur segond album „cooli nahrig“ tracta dal mangiar. Nus vain discurrì cun chantadur e ghitarrist Giuliano Mazzocchi e cun bassist Placi Coray davart il recept musical dal nov album da la band.

Ils 2 da december è il batten da l’album „cooli nahrig“, en la Selig Tanzbar a Cuira. Ina saira plain surpraisas cun buna musica, giasts spezials e… bler da mangiar.