Mission Impossible 4: Phantom Protokoll
Tschert acturs dad action vegnan automaticamain collià cun in erox ch’els han giugà ina giada en lur carriera. Els èn bunamain quel caracter, e nagin auter sa surprender quella rolla. Schwarzenegger è il Terminator, Stallone è Rambo, Bruce Willis è John McClane da Stirb Langsam è Tom Cruise è.... Ethan Hunt natiralmain, l’agent spezial da la seria Mission Impossible. Ed el è puspè enavos en sia quarta aventura. Ensemen cun ses team sun els gist vi dal engular fitg impurtants documents secrets or dal Kreml a Moscau, cur ch’in grev incident capita. Ina bomba destruescha grondas parts dal stabiliment. Ethan e ses collegas èn ils unics suspects da quest act terroristic.
Tadlar la critica da Curdin Fliri...
Per quai vai:
Ensemen cun ses team è Ethan Hunt gist vi dal engular fitg impurtants documents secrets or dal Kreml a Moscau, cur ch’ina bumba destruescha grondas parts dal stabiliment. Ethan e ses collegas èn ils unics suspects da quest act terroristic.
Quai va bain:
Buns acturs, ina massa action, tensiun, stunts spectaculars, scenas che fan rir e divers gadgets tecnics.
Quai na va betg bain:
L’istorgia è bod in zic simpla senza grondas surpraisas.
La frasa dal film:
Ethan Hunt al punct culminant da film: “Missiun accumplida!” Smatga sin il pum e nagut capita.
Il u LA acturA dal film:
Simon Pegg sco Benji Dunn. El è quel che procura per las pli bleras risadas durant il film.
