Nine - musical pompus e lungurus
Roma, ils onns 60: Guido Contini è in grond reschissur talian. Acturas americanas e stars talians - tuts vulan lavurar cun el. Ses ultims dus films eran flops, ma ses nov film "Italia" duai puspè reparar sia reputaziun. Il problem è mo che Contini n'ha nagin'istorgia per ses film! Quai è l'istorgia dal film "Nine", in film da musical ch'è da vesair uss a kino.
Tadlar la critica da Chatrina Josty...
Per quai vai:
Per il reschissur Guido Contini che na sa betg sco cumenzar ses nov film, gidar duain las dunnas che han giugà e giogan ina rolla en sia vita.
Quai va bain:
"Nine" è in film da musical, remartgabel sco che las acturas Kate Hudson, Nicole Kidman e Judi Dench chantan.
Quai na va betg bain:
Sco che Daniel Day-Lewis, che gioga a Guido Contini, chanta, sco ch’el gioga, el va extrem silla gnerva e tira giu il film sin in nivel quasi insupportabel.
LA frasa dal film:
Guido, Guido!
Il u LA actura dal film:
Judi Dench! La granda dama gioga la creatura da costüms da Guido Contini. Ella è la pli coola en "Nine".
- ©Ascot Elite
