Nevermind - l’album ch’ha influenzà in’entira generaziun da giuventetgna festivescha ses giubileum

Ils 24 da settember avant 20 onns è vegni publitgà in dals pli gronds albums da l’istorgia da musica – cun “Nervermind” ha Nirvana martgà in mument musical decisiv.
Ussa avran ils commembers da Nirvana lur trucca da stgazis cun chanzuns ch’èn mai vegnidas publitgadas. I duaja dar ina reediziun da “Nevermind” cun quellas chanzuns ch’ins n’enconuscha anc betg e las chanzuns ch’han purtà il grond success als americans. Tranter las chanzuns nunenconuschentas sa chattan era duas versiuns nunpublitgadas dals hits “In Bloom” ed “Lithium”. Ils 27 da settember 2011 vegn l’album en las buttias e duaja esser ina surpraisa per tut ils fans da Nirvana.

Pir avant dus mais, il zercladur 2011, ha la band, Dave Grohl, Krist Novoselic e Pat Smear sunà l’emprima giada suenter 17 onns la chanzun „Smells Like Teen Spirit”. Era sch’els han sunà la chanzun senza chant ha Dave Grohl (drummer) detg: “It was like... a ghost. It was heavy.“ Igl era .... sco in spiert. Igl era inquietant. Ins dastga pia esser spanegià sin l’album.