„Eu vegn cun tai“ – il nov album da Bibi VaPlan

Chanzuns pli positivas, pli chaudas che discurran da sentiments e muments dal mintgadi. Uschè descriva la chantadura engiadinaisa Bianca Mayer, enconuschenta sco „Bibi VaPlan“ sias otg novas chanzuns. Titels sco „Curaschi“, „Istess vöd“ u „Schon bun“ quintan da situaziuns particularas da la vita in ses segund disc cumpact che porta il num „Eu vegn cun tai“. La vusch da Bibi VaPlan vain accumpagnà dals suns da clavazin, gìun e battaria. E cun la participaziun dal chau da la band Sens Unike, Carlos Leal, sa maschaidan puspè ils suns rumantschs cul hip hop franzos.