Rage Against The Volta? – ONE DAY AS A LION!

Zack De La Rocha è stà l’organ ravgentà dals pioniers dal crossover RAGE AGAINST THE MACHINE! Sia vusch steva entschatta dals onns 90 sco pugn cunter globalisaziun e sistem politic. Sia musica era il radio da guerriglia da la generaziun X! Cun l’anteriur battarist da THE MARS VOLTA Jon Theodore ha De La Rocha fundà il duo ONE DAY AS A LION - battaria, keyboard e chant! Il groove da Theodore dominescha, la vusch da De La Rocha regorda e ONE DAY AS A LION funcziunescha! La EP da debut cuntinuescha là nua che Zack De La Rocha ha terminà RAGE e persvada! Uschè tuna ina quart da RAGE AGAINST THE MACHINE cruschà cun  in tschintgavel da THE MARS VOLTA!