Surdà l’emprim “label” da qualitad per in Open Air
Cun in pitschen apero en la chasa RTR vain nus da battaporta.ch surdà in premi als victurs da l’emprim “OpenAir Tester”. L’Open Air Chapella, Malans e Hohenrätien eran quest ’onn ils victurs, tuts cun la nota 8.1. Els han survegnì in certificat ed in uschè ditg “label” sco victur dil “OpenAir Tester 2009”. Quel san els duvrar il proxim onn per preschentar lur Open Air sco in dils megliers tranter ils 11 festivals regiunals e naziunals ch’èn vegnids testads da nossa redacziun.
“Hallo? Vus avais gudagnà!”
L’Open Air Chapella, Malans ed il Hohen Rätien han persvadì. Cun mintgamai 8.1 puncts da totalmain 10 puncts èn els noss trais victurs dal Open Air Tester 2009. Co reageschan els sin la buna novitad e las gratulaziuns? Nus avain telefonà als organisaturs!
Tadlar la contribuziun da Mirco Manetsch...
Open Air Tester: Pitschen gudogna
Per ils ins stoi avair in Bacardi Dome, per ils auters ina gronda band da renum internaziunal. Ils ins prefereschan musica per scuvrir, ils auters na s’interessan insumma betg per la musica e van per far tenda cun lur amis. Ils ins vulan mangiar bain, ils auters dovran la tualetta perfetga per sa sentir bain.
Ils gusts èn differents.
Nus avain testà e congualà questa stad 11 open airs en Svizra, 9 grischuns e 2 ord ’vart il chantun.
A la fin ha gudagnà quai che ha plaschì il meglier a nus. E quai n’ha purschì betg mo in open air. I dat plirs victurs.
Malans - l’insla tranter ils Open Airs
Il bastiment è in bus che maina ins sur la mar da tirc viaden en l’uaul tar la largia nua che il Open Air a lieu.
Quai tuna in pau poetic e romantic. Ma uschè sa sesent ’ins al Open Air Malans.
Testà da Mirco Manetsch
Hohenrätien - Party en la fortezza
I na sto betg adina esser mo musica. Quai pon ins dir sur dal program al Open Air Hohen Rätien. Il venderdi saira è stada sin tribuna la gruppa da teatersport “TipTap” da Berna. Cun teater improvisà han els intgantà il public. L’Open Air Hohen Rätien ha sper quai persvadì cun bleras chaussettas originalas ed in’atmosfera sco ad ina party d’iert patgifica.
Testà da Chatrina Josty
L'Open Air Chapella - Per grond e pitschen
Era il pli vegl Open Air dal Grischun è istorgia. Fitg bell’aura, blera glieud ed ina massa buna luna eran preschents al 28avel Open Air Chapella. Musicalmain fitg modest, ma cun in per delicatessas musicalas ha Chapella purschì in open air ideal, en emprima lingia per famiglias cun uffants.
Testà da Curdin Fliri
L'Open Air Lumnezia sut la marella critica
Nus n’avain betg mo rapportà sur dal Open Air Lumnezia, nus avain era prendì el sut la marella critica.
Co è l’areal dal open air? Co era l’atmosfera, la glieud, il mangiar e baiver al 25 avel Open Air Lumnezia? La giuria è severa!
Testà da Chatrina Josty.
Open Air Stussavgia - 500 persunas vevan fraid
La 10avla ediziun da l’Open Air Stussavgia ha stuì concurrenzar cun l’open air Bellaluna e cun il Gurten Festival. E vitiers n’è l’aura betg stada fitg buna. Plievgia e temperaturas fraidas han dominà sur tut la sonda. Dentant han tuttina radund 500 persunas chattà la via en la val Stussavgia.
Testà dad Angela Hitz
Trid’aura ma buna glina en la Bellaluna
Ina chaussa è gia clara avant il test dal Open Air Bellaluna: Il lieu dal Open Air è bellezza ed ha insatge ch’ins na sa betg declerar. Esi forsa perquai che las strias sautavan propi ina giada là? Là fin d’emna dals 17 e 18 da fanadur han en mintga cas in per tschient visitaders sauta en la Bellaluna – tar la musica da Pegasus, Patent Ochsner, Shakra e cumpagnia. Che l’aura n’era betg buna n’ha gnanc disturbà.
Testà da Chatrina Josty
Il Gurten Festival – bler aua vent e buglia.
Adatg visitader, trai en avunda vestgadira e tegna tai a chaud cun sautar. Quai steva scrit sin la pagina d'internet dal festival. E propi i es stà fraid e bletsch, quasi l'entir temp. Quai n'ha dentant betg tegnì enavos la glieud. Il Festival è stà cumplettamain vendia ora.
Testà da Mirco Manetsch
Open Air Rheinwald – In zic fraid, ma fitg bel situà
Era l’Open Air Rheinwald è istorgia. Dus dis musica, festa e giudair la bella natira eran sin il program. In areal da bellezza, ina bun’atmosfera, e glieud giuvna e veglia eran da la partida. In pullover chaud e in bel fieu na dastgavan betg mancar per betg avair memia fraid durant la notg.
L’open air Trun cun tendas – perquai n’hai betg pluvì!
Ils organisaturs da l’open air Trun han fatg nauschas experientschas cun l’aura ils ultims onns. Perquai han els organisà ina tenda per seser e star da cumpagnia ed ina bar cun tenda extendida. Son Pieder ha manegià bain cun ils da Trun – uschè n’hai betg pluvì. Ils visitaders han savì giudair differenta musica da bands naziunalas ed ina buna atmosfera.
Testà dad Angela Hitz
Belma, buna musica e massas da glieud
Son Gagl è l’open air cun la pli blera belma da tut ils open airs. Quai han ils visitaders stuì constatar quest’onn puspè ina giada. Ma cun quai che tuts sesevan en la medema bartga eri bunamain legher a mirar sco ch’ils visitaders gievan enturn cun quest obstachel belmus. Il meglier era simplamain dad ignorar il fact, che tut è be merda.
Testà da Curdin Fliri
Dapli belma e tut il rest che nus vain testà a Son Gagl pudais mirar qua.
Bletsch, fraid e mistic. L’Open Air Quellrock
Musica tranter las ruinas: L’emprim festival che nus avain testà è l’Open Air Quellrock ch’è situà en il vegl chastè da Bogn Ragaz. L’aua n’era betg la meglra, ma quai n’ha betg influenzà la motivaziun dal public da vegnir a quest festival. E sonda saira era lura vendì era l’ultim bigliet d’entrada. 3400 persunas han passentà in bun temp tranter las ruinas dal chastè da Bogn Ragaz.
Testà da Curdin Fliri
