Dronas da surveglianza per mintgin
Quai che guard’ora suenter surveglianza permanenta sco en il science-fiction “Minority Report” è en vardad in giugaret d’ina firma americana che duess vegnir bainbaud sin il martgà. Ina drona cun camera ch’ins sa controllar cun l’iPhone.
Parrot AR Drone ha num il pitschen gadget che sgola e sa filmar. Cun agid da la tecnologia WiFi san ’ins controllar il roboter sgulant cun l’iPhone. In program d’autopilot gida a tegnair la drona stabila, e surprenda en cas che la colliaziun vegn interrutta. Cura che quest giugaret da la firma Parrot è valabel per cumprar ni quant ch’el duess custar n’è anc betg enconuschent.
